ՀՈՒԼԻՍ 02, 2021 Թ․
2021 թվականի հուլիսի 2-ին PandaMR վիրտուալ միջոցառումների հարթակում Մոսկվայի Մ.Վ. Լոմոնոսովի անվան պետական համալսարանի Երեւանի մասնաճյուղը և ՄՊՀ մասնաճյուղի Երիցյան վարժարանը կանցկացնեն իր տեսակի մեջ եզակի հիբրիդային բաց դռների օր:
Միջոցառումը միաժամանակ տեղի կունենա օֆլայն՝ համալսարանի մասնաճյուղում և վարժարանում, ինչպես նաև վիրտուալ հարթակում PandaMR հավելվածի միջոցով:
Վիրտուալ 3D հարթակը հնարավորություն կտա բոլոր նրանց, ովքեր ֆիզիկապես չեն կարող ներկա գտնվել միջոցառմանը, վիրտուալ կերպով մասնակցել, ծանոթանալ կրթական հաստատությունների ենթակառուցվածքին, բաժիններին, դասավանդող անձնակազմին, քննությունների անցկացման կարգին:
Մասնակիցները հնարավորություն կունենան իրական ժամանակում հաղորդակցվել, իրենց հետաքրքրող հարցերն ուղղել և ստանալ պատասխաններ:
ԻՆՉՊԵՍ ՄԱՍՆԱԿՑԵԼ
Մ.Վ. ԼՈՄՈՆՈՍՈՎԻ ԱՆՎԱՆ ՊԵՏԱԿԱՆ ՀԱՄԱԼՍԱՐԱՆԻ ԵՐԵՒԱՆԻ ՄԱՍՆԱՃՅՈՒՂ
Հայաստանում Մոսկվայի պետական համալսարանի մասնաճյուղի ստեղծումը միջազգային հզոր կրթական նախագիծ է և կարևոր իրադարձություն երկու բարեկամ երկրների համար:
Ուսուցումն իրականացնում է Մոսկվայից ժամանող առաջնակարգ պրոֆեսորադասախոսական կազմը: Ուսուցման լեզուն ռուսերենն է:
Մասնաճյուղում ուսուցումն իրականացվում է բակալավրիատի ծրագրի վեց ուղղություններով (ընդունելությունը իրականացվում է 2 քննությունների արդյունքների հիման վրա` ռուսաց լեզու (փոխադրություն), մասնագիտական առարկա, պետական ավարտական և միասնական քննությունների արդյունքները հաշվի չեն առնվում).
🔹 Միջազգային հարաբերություններ
🔹 Իրավագիտություն
🔹 Լեզվաբանություն
🔹 Լրագրություն
🔹 Տնտեսագիտություն
🔹 Կիրառական մաթեմատիկա և համակարգչային գիտություն
Իրականացվում է նաև երեք մագիստրոսական ծրագիր (ընդունելությունը իրականացվում է մեկ մասնագիտական քննության հիման վրա).
🔹 Իրավագիտություն
🔹 Տնտեսություն
🔹 Միջազգային հարաբերություններ
Բակալավրիատում ուսման տևողությունը 4 տարի է, մագիստրատուրայում `2 տարի: Ուսուցման պայմանները` պետպատվերով և պայմանագրային հիմունքներով: Փաստաթղթերի ընդունումն իրականացվում է հեռակա կարգով:
Ավարտելուց հետո ուսանողները ստանում են բակալավրի և մագիստրոսի կոչումներ Մոսկվայի պետական համալսարանից:
Բոլոր մանրամասները՝ կայքում:
ՄՊՀ
ՄԱՍՆԱՃՅՈՒՂԻ ԵՐԻՑՅԱՆ ՎԱՐԺԱՐԱՆ
ՄՊՀ մասնաճյուղի Երիցյան վարժարանն անվանակոչվել է ի պատիվ ՀՀ ականավոր քաղաքական և հասարակական գործիչ Արմենի Երիցյանի։
Արմեն Երիցյանը նաև ռուս-հայկական մարդասիրական կենտրոնի հիմնադիրներից է, Մոսկվայի Մ.Վ. Լոմոնոսովի անվան պետական համալսարանի մասնաճյուղի հիմնադիր հայրերից մեկը։
Վարժարանում կրթությունն ապահովում է մասնագիտացված առարկաների խորը ուսումնասիրություն՝ պատրաստելով աշակերտին բուհական ընդունվելության քննություններին։
Վարժարանում ուսանելու ընթացքում մեր սաները ծանոթանում են նաև Մոսկվայի պետական համալսարանի դասախոսների հետ, լսում դասախոսություններ, մասնակցում ինտելեկտուալ խաղերի, քննարկումների և մրցումների։
Վարժարանի առանձնահատկություններից է կրթության ավանդական և նորարարական ձևերի համադրությունը, առարկաների խորացված ուսումնասիրությունը, լեզուների ուսումնասիրությունը, խմբակների առկայությունը /երաժշտություն, թատրոն, ակումբ «Ի՞նչ: Որտե՞ղ Երբ?", սպորտային խմբերը (բասկետբոլ, վոլեյբոլ, ուշու, աերոբիկա ևն), ջերմ մթնոլորտը, ինքնակառավարման համակարգը, որը թույլ է տալիս աշակերտին փորձել իրեն կազմակերպչի, ուսուցչի և հետազոտողի դերում:
Ընդունելությունն իրականացվում է 7-12-րդ դասարաններում՝ երկու առարկաներից` մաթեմատիկա, հայերեն/ռուսաց լեզու դիմորդների գրավոր քննության արդյունքների հիման վրա:
Յուրաքանչյուր առարկայի թեստի արդյունքները գնահատվում են 50 բալանոց սանդղակով (20 միավորից բարձր գնահատականը համարվում է բավարար։
Ընդունելությունն իրականացվում է նաև ողջ ուսումնական տարվա ընթացքում:
